A tumba de Breogán: roteiro literario

GUÍA DO ROTEIRO EN PDF

O día 6 de febreiro un grupo de alumnas do club lectura de 1º ESO guiadas por alumnas de 3º realizaron un percorrrido polos espazos que aparecen na novela gráfica A tumba de Breogán. 

Iniciamos o roteiro na Torre de Hércules. O seguinte lugar que visitamos foi a Colexiata, despois fixemos unha parada na rúa Príncipe perante a casa que habitaron Rosalía e Manuel Murguía, tamén recordamos a figura da escritora coruñesa Francisca Herrera Garrido. Por suposto, detivémonos na casa de Emilia Pardo Bazán, actual sede da RAG. 

Antes de deixar a cidade vella, visitamos a igrexa de Santiago aínda que non aparece na novela. A Praza de María Pita foi o penúltimo punto. Rematamos o roteiro  ante o grupo escultórico de Francisco Asorey que homenaxea a Manuel Curros Enríquez. En todas as paradas deste percorrido recreamos escenas ambientadas nos lugares visitados.

Andrea Maceiras visítanos de novo

Este curso recuncamos e recibimos outra vez a visita de Andrea Maceiras. A autora falounos das súas obras: Conta nove estrelas e Miña querida Sherezade.

O alumnado de 1º ESO que leu no terceiro trimestre Conta nove estrelas e os integrantes do club de lectura, tamén de 1º ESO, que realizaron a lectura de Miña querida Sherezade, tiveron a sorte de compartir con Andrea Maceiras impresións sobre ambos libros.

 Iniciouse a visita de Andrea Maceiras cunha breve presentación que realizaron dous alumnos de 1ºESO B: Xiana López Fuentes e Iago Martínez Gil. Achegáronnos cuestións relacionadas coa biografía da autora e a súa obra, que non deixa de ser xa extensa para a súa xuventude. 

 Axiña, foi a autora, que nos visitou o día 16 de maio, a que tomou a palabra e compartiu con nós unha presentación na que foi explicando o proceso creativo e as vivencias familiares que a levaron a escribir ambas historias. Cóntanos, a autora, que todo este mundo creativo comezou cando era nena e lle contaba contos a súa irmá. Amósanos, Andrea, fotos do seu gato, inspiración dos Bobós, protagonistas indiscutibles de Conta nove estrellas. 

Respecto a Miña querida Sherezade, a autora tamén compartiu con nós fotos nas que vemos o libro de Calleja que “vivía” e segue a facelo na casa da súa avoa ou os estudos que a autora realizou sobre a roupa empregada nas distintas épocas en que vive o libro. 

O alumnado realizoulle a Andrea un sinfín de preguntas e, xa no remate, asinou os exemplares dos libros. Marcharon todas e todos contentos cos debuxos e as dedicatorias. Grazas, Andrea, desfrutamos moito coa túa visita!

Roteiro literario pola ría de Arousa (18-xuño-2024)

 

 Antonte, co club de lectura do noso instituto, realizamos un roteiro literario pola Ría de Arousa.

 Comezamos a nosa visita en Rianxo, unha bonita vila costeira e lugar onde Manuel Antonio, un dos poetas galegos máis importantes da literatura vangardista galega, pasou gran parte da súa vida. Alí visitamos a súa casa natal para coñecer un pouco máis sobre a súa orixe, e como chegou a convertirse no personaxe que coñecemos. Tamén demos un pequeno paseo pola vila, e descubrimos diversas curiosidades desta localidade. 

 Ao xantar, para desconectar un pouco da parte literaria, desprazámonos ata a praia de Cabío, unha praia moi tranquila onde puidemos desfrutar do bo tempo que nos acompañou durante toda a excursión.

 Para rematar a saída, achegámonos á Pobra do Caramiñal. Alí visitamos a casa museo do célebre escritor e dramaturgo Valle-Inclán. 

 Tratouse dunha actividade moi enriquecedora grazas á que puidemos coñecer a grandes figuras da nosa literatura dun xeito diferente, máis cercano.

 Estamos desexando saber cal é a do ano que vén! 

 (Cristina P., 1º Bac.A)

Obradoiro de ilustración impartido por Nanda Cabaleiro

 O pasado 22 de xaneiro visitounos Nanda Cabaleiro, profesora e ilustradora, para impartir un curso de debuxo de herbas.

Deunos a coñecer a obra na que participou cos seus debuxos en colaboración con Rosalía Bermúdez Santos,  7 herbas máxicas . Explicou o proceso que segue nas súas creacións e deulles consellos aos alumnos e alumnas participantes.

Rematada a xornada, os participantes mostran os seus debuxos 

Roteiro Ribadavia-Celanova

 

Visita á Torre de Hércules

 

                     O alumnado de 2º de ESO realizou a visita guiada, que ofrece o Concello para estudantes da nosa cidade.

                     Serviunos para preparar a lectura de A tumba de Breogán.  Quedou en proxecto para o próximo curso a realización dun roteiro literario polos distintos espazos nos que transcorre esta novela gráfica.

 

Roteiro O camiño real

                 Estudantes do club de lectura de 1º de ESO realizaron este roteiro pola nosa cidade. Recollemos algúns comentarios do alumnado participante:             

                 El jueves pasado fuimos de excursión al centro de A Coruña con el club de lectura del instituto.

                 Nos fuimos a segunda hora, cogimos el bus y nos dejó al lado de la plaza de María Pita. Teníamos de guía a una chica que se llamaba Patricia, que nos llevó al teatro Rosalía de Castro. Cuando entramos, era como si retrocediésemos al s.XIX. El techo estaba lleno de retratos de personajes relacionados con la escritura, la música y el teatro, con sus respectivos nombres; los palcos tenían nombres grabados y las butacas eran de terciopelo granate.

                 Cuando salimos, fuimos a la calle Real y nos comentó muchas curiosidades sobre ese lugar y al final fuimos a la plaza de María Pita y nos enseñó a ubicar el ayuntamiento en el mapa que está esculpido en uno de los laterales de la estatua de María Pita.

                  También nos contó que el ayuntamiento tenía grabadas las iniciales de su arquitecto.

                  Al final, llegamos a cuarta hora y nos dejaron ir a la cafetería.

                  Me gustó mucho esta excursión.

                             (Elena Álvarez-Azurmendi, 1º ESO B) 

 

 

                O outro día fomos de excursión ao centro da Coruña os do club de lectura. Primeiro fomos ao Teatro Rosalía de Castro e alí a nosa guía contounos uns datos sobre como era o edificio antes e explicounos detalladamente cada parte do teatro . Máis tarde saímosá rúa e falounos sobre a Rúa Real e a Rúa Rego de Auga. Ensinounos o edificio máis antigo da Rúa Real por fóra. Despois fomos á Praza de María Pita e contounos un pouco da historia dela e do edificio que a preside, a Casa do Concello. Por último falounos sobre unha igrexa que hai alí cerca.

                             (Inés Insua Puente, 1º ESO B) 

 

 

                    Gustoume moito a excursión á cidade vella. Aprendín cousas, que, coñecendo a zona dende hai anos, non sabía. Alí fomos ao teatro de Rosalía de Castro, que non sabía que existía e explicáronnos moitas cousas sobre el. Tamén visitamos a praza de María Pita, a súa estatua e o Palacio Municipal da Coruña. Pasámolo moi ben e eu cre que se houbese máis excursións tan interesantes como esta habería moita máis xente no club de lectura. 

                                 (Vera Otero Sánchez)