domingo, 28 de abril de 2019

Roteiro literario dos nosos alumnos do Club de lectura á Illa de San Simón e Vigo

O día 25 de abril, desafiando a climatoloxía adversa, entre vento e chuvias fortes, os alumnos do Club de lectura do IES Monelos dirixíronse en barco cara á Illa de San Simón.
A travesía pola ría  foi tranquila á ida e arribamos a terra en media hora dende o porto de Vigo.
Alí nos agardaba a guía que, moi amable,  explicounos  moitísimas cousas interesantes sobre esta illa que hoxe forma parte da red Natura.

Soubemos así que a Illa de San Simón foi residencia de varias ordes relixiosas, entre elas os Templarios. Foi unha illa saqueada en moitas ocasións.
No ano 1702 tivo lugar alí a famosa Batalla de Rande, na que os galeóns españois loitaron cos barcos de Inglaterra e Holanda, quedando vencidos. Os seus tesouros desapareceron, non se sabe si no fondo das augas ou nas mans dos inimigos.
Convertiuse no século XIX nun lazareto marítimo. A guía explicounos que un lazareto é un lugar onde se recibe aos enfermos contaxiados de epidemias moi graves, a fin de evitar que estas se extendan  ao resto dos países. Este lazareto tamén servía para que os viaxeiros dos barcos pasasen a corentena antes de dirixirse a Europa.
No período inmediatamente anterior á Guerra civil española e despois dela foi cárcere para os presos políticos, os perseguidos pola súa ideoloxía. As condicións de vida alí para eles foron moi duras.
Finalmente, hoxe e un ben protexido que serviu e sirve de inspiración a moitos escritores, como o célebre Xulio Verne, ao que se lle adicou unha escultura moi preto da illa.

Os alumnos disfrutaron da travesía no mar, do entorno natural da illa, da visita ao Museo da Batalla de Rande e os paseos pola cidade olívica.
Foi unha xornada de chuvia e ceo gris pero en todos nós ficou a pegada dunha paisaxe inesquecíble fundida coa literatura e a historia.































martes, 31 de octubre de 2017

Drácula






A publicación desta novela de Bran Stoker no ano 1897 marca o auxe na historia do vampirismo na literatura, pois constitúe a renovación das novelas góticas inglesas do século XVIII, o retorno ao substrato lexendario do vampirismo e o fundamento do auténtico mito dos tempos modernos, que se perpetuou ata os nosos días.

Co triunfo do pensamento racional no Século das Luces, os magos e aparecidos do pasado non teñen cabida. A revolución industrial transforma rapidamente a paisaxe europea e xa non hai lugar para as crenzas do pasado e as supersticións. A Inglaterra victoriana da segunda metade do XIX é un claro exemplo desta picota sociocultural, onde se oculta todo o que se aparta do decoro e dos valores establecidos, chegando incluso á represión. Porén, no seo desta Inglaterra aparecerá a novela de Bran Stoker.
O rexeitamento ao positivismo do Século das Luces e da revolución industrial xa se manifesta no Romanticismo de finais do XVIII e a segunda xeración de románticos ingleses revela desde principios de século XIX un vivo interese polo sobrenatural. Eles son os responsables, cos seus poemas, do retorno da lenda do vampiro, que máis tarde penetra na literatura en prosa.


O encontro en Londres de Stoker con Arminius Vambery, profesor de linguas orientais na Universidade de Budapest e que coñece a perfección a historia e o folclore de Europa central, será determinante para a xénese da novela. Vambery explícalle a Stoker a historia do auténtico Drácula, o terrible Vlad Tepes,  e o escritor, seducido pola sonoridade do nome, decide adoptalo para o heroe da súa novela.
Stoker pasou días enteiros na Biblioteca do British Museum documentándose sobre o vampirismo, a historia, a xeografía, os costumes e o folclore de Transilvania. Todas as referencias históricas, artísticas, etnográficas e científicas que aparecen na novela están debidamente ducumentadas e contrastadas polo escritor.

 
Percorrido de Jonathan Harker en tren a Transilvania



domingo, 18 de junio de 2017

Representación teatral do Club de lectura de 3º de ESO na Biblioteca do Castrillón

O día 8 de xuño os nosos alumnos do Club de lectura de 3º de ESO volveron a representar a obra de Fernando Lalana "Se suspende la función" que previamente ofreceran no noso centro. Nesta ocasión tivo lugar na biblioteca do noso barrio de Monelos, a Biblioteca do Castrillón, coa que colaboramos habitualmente. Asistiron as familias, compañeiros dos alumnos e profesores. A todos lles divertiu esta comedia da que mostramos algunhas imaxes.





Temos a intención de representala outra vez no colexio Fernández Latorre no vindeiro curso e esperamos que isto axude a vincular aos dous centros de ensino para colaborar en novos proxectos.

lunes, 3 de abril de 2017

Un monstro vén a verme






Patrick  Nesss escribiu este libro a partir da idea orixinal da escritora Siobhán Dowd, quen non puido rematalo debido a súa morte prematura no ano 2007.

Deixamos este enlace no que podedes atopar curiosidades sobre o teixo, a árbore máis lonxeva da natureza, o trailer da pelicula e diversas fotos:

http://www.huffingtonpost.es/2016/10/03/monstruo-viene-a-verme-tejo_n_12308564.html

En Galicia temos o Teixedal de Casaio, o bosque de teixos mellor conservado de Europa. Alí hai arredor de 400 teixos, a maioría deles centenarios, que conviven con outras especies.