Lectores de 1º de ESO

Con esta novela , publicada no ano 2006,  John Boyne, o seu autor, acadou fama internacional. Podes velo nesta entrevista na que fala sobre o libro:

 

Esta novela foi adaptada ao cine e estreouse no ano 2008, durante a 56ª edición do Festival de 

cine de S.Sebastián. Vemos, de novo, a John Boyne, agora dando a súa opinión sobre sobre a película:

 

No seguinte enlace atoparás unha guía de lectura do libro, que foi elaborada no IES de Pastoriza:

 http://linguaeliteraturagalega.webnode.es/biblioteca/club-de-lectura/

La noche más oscura

Este é o novo libro que imos ler no club de lectura de 2º de ESO

O curso pasado tivemos a sorte de recibir no noso centro a visita da súa autora, Ana Alcolea (vid. blog da biblioteca).

Podedes vela nesta entrevista que lle fan na televisión de Aragón ao concederlle o VIII Premio Anaya de Literatura Infantil y Juvenil:

 

Tedes máis información sobre a escritora neste enlace:

http://www.eltemplodelasmilpuertas.com/entrevista/ana-alcolea/179/ 

E, se queredes acompañar na súa viaxe a Valeria, a protagonista da novela, podedes ver este video:

El cartero de Neruda

O título orixinal desta novela de Antonio Skármeta é Ardiente paciencia (1985) e foi o propio autor quen a levara ao cine baixo o mesmo título no ano 1983. A novela sitúanos no Chile dos anos 70, cando Salvador Allende gana as eleccións. Esta época queda ben reflectida nas conversas que manteñen o carteiro e o poeta. Posteriormente, por razóns comerciais, pasou a chamarse El cartero de Neruda, debido ao éxito que acadou a película Il postino, dirixida por Michael Radford en 1994. Na película a acción traládase á illa Salina en Italia.

Velaquí unha fermosa escena da pelicula na que Mario Ruoppolo(o carteiro) descobre o que é unha metáfora.

 Esta obra  tivo un éxito enorme, foi traducida a unha trintena de linguas, adaptada tamén ao teatro e á radio: "Existen más de cien versiones en el mundo", asegura Skármeta. O compositor mexicano  Daniel Catán compuxo unha ópera baseada nela,  que foi estreada na  Ópera de Los Ángeles co  título de Il Postino con Plácido Domingo como Pablo Neruda e Cristina Gallardo- Domas como Matide.

 Tedes unha completa información sobre Skármeta nestes enlaces:
http://www.clubcultura.com/clubliteratura/clubescritores/skarmeta/
http://www.rebelion.org/noticia.php?id=2268

A praia dos afogados

Esta é a novela que estamos lendo no club de 4º de ESO.

 Despois do éxito acadado con Ollos de auga, novela coa que inicia a súa andaina na narrativa policial en galego, Domingo Villar mergúllanos con este libro no mundo da Galicia mariñeira , desde os areais das rías Baixas á paisaxe urbana e ás tabernas da cidade de Vigo.

Para ter máis información sobre A praia dos afogados, podes ver esta entrevista que lle fan ao escritor na TV2

Preme aquí:

entrevista

Tamén podes ver a ruta polos lugares onde trancorre A praia dos afogados, na que aparece información sobre a adaptación cinematográfica desta novela, que será dirixida por Gerardo Herrero:

 

As lágrimas de Shiva

Esta é a novela coa que imos comezar o club de lectura de  de 1º de ESO. Con ela César Mallorquí obtivo o Premio Edebé de literatura xuvenil no ano 2002. Este mesmo galardón foille concedido noutras tres ocasións, a última no ano 2012 con La isla de Bowen, libro co que acaba de gañar o Premio Nacional de Literatura Infantil y Juvenil 2013.

Podedes ver distintos vídeos relacionados con temas tratados na obra no seguinte enlace:
http://lclcarmen1.wordpress.com/2013/01/12/las-lagrimas-de-shiva/

E, se vos gusta escribir, prestade atención aos magnícos consellos que vos dá César Mallorquí:

Primeira reunión

O venres, día 11, faremos a  primeira xuntanza deste novo curso.

Primeiro recreo: grupos de1º e 2º de ESO
Segundo recreo: grupos de 3º e 4º de ESO e 1º de Bacharelato.

Boas lecturas para todos!

Por terras de Celanova

O martes, 1 de outubro, os alumnos e profesores que participamos no club de lectura 2012/2013 fixemos un roteiro literario por Celanova e Vilanova dos Infantes. Esta viaxe estaba programada para o terceiro trimestre do curso anterior pero, debido a problemas xurdidos a última hora, non se puido facer e tivemos que pospoñela.

No noso percorrido por Celanova acompañounos Paula, a excelente guía da Fundación Curros Enríquez. Instruínos sobre a traxectoria biográfica de Curros Enríquez, facendo ficanpé na relación que mantivo o poeta coa cidade da Coruña (homenaxe, Academia Galega e enterro). No mosteiro ofreceunos unha auténtica lección de historia da arte sobre os distintos compartimentos de este singular edificio histórico e lugar simbólico da cultura galega.

E, por suposto, visitamos a fermosa Biblioteca do instituto que espertou a admiración de profesores e alumnos.

Rematamos esta xornada outonal en Ourense cun pequeno paseo a beira do Miño.