Escaleta adaptación A rateira para Radio Monelos

 

Escaleta A Rateira

Leer más publicaciones en Calaméo

Alumnos de 1ºde ESO presentan Miña querida Sherezade de Andrea Maceiras ante os seus compañeiros

 

        

           Esta actividade foi proposta polos propios componentes dun dos clubs de 1º de ESO, que lles  deron a coñecer a novela Miña querida Sherezade de Andrea Maceiras aos seus compañeiros. A experiencia foi positiva posto que motivou que alumnos non pertencentes ao club se animasen a ler este libro.

             A grabación foi realizada por un dos compañeiros. Achegamos como mostra os vídeos de presentación  e remate. 

 

 

 

 

 

 

 

 

Roteiro literario pola Coruña e visita á Casa-Museo Emilia Pardo Bazán (sede da RAG)

 

        O pasado 1 de decembro o alumnado que participa no club de lectura acompañado de dúas docentes realizaron un roteiro literario pola cidade d´A Coruña.  

        Iniciouse o roteiro na RAG, alí os alumnos e alumnas visitaron as estancias que no seu momento pertenceron á familia Pardo Bazán e que hoxe en día atesoura unha parte do legado da coñecida e insigne escritora, Emilia Pardo Bazán. 

         Para a súa sorpresa, a dos alumnos, guiounos nesta visita unha profesora británica que está realizando a súa tese sobre mulleres literatas. O obradoiro en que participou o alumnado centrouse na figura de Emilia Pardo Bazán, mais tamén en Virginia Woolf. O alumnado descubriu as diferenzas e similitudes da sociedade en que vivían ambas escritoras así como a interpretación que desta sociedade facía cada unha delas, coñeceron tamén os temas tratados nas súas obra, etc.. A experiencia foi moi interesante e enriquecedora.  

        Ademais, foi esta unha actividade trilingüe, o castelán e o inglés foron as linguas empregadas pola guía para realizar o obradoiro, linguas tamén empregadas polas autoras nas súas obras; foi o galego a lingua en que varios dos participantes realizaron as súas actividades. 

        Ao rematar a visita á Casa Museo/ Real Academia Galega, o roteiro recalou no Xardín de San Carlos para seguir camiño cara á Casa de Rosalía de Castro, edificio do século XVIII onde Rosalía de Castro e M. Murguía residiron un ano. Descubrimos tamén que ao carón da Casa de Rosalía se ubica a finca na que viviu Francisca Herrera, primeira muller académica da RAG. 

        Continuamos polo Paseo Marítimo cara á escultura de Isabel Zendal, coñecida por todo o alumnado que leu Os nenos da variola de María Solar. No Paseo Marítimo tamén se comentou un acontecemento que aparece no libro de Manuel Rivas Os libros arden mal, nel recréase un episodio ocorrido na Dársena coruñesa no ano 1936, a queima de libros. 

        O roteiro continuou camiño cara ao monumento sufragado polo pobo coruñés para homenaxear ao poeta Manuel Curros Enríquez e deseñado polo escultor Asorey. Ao pé do monumento uns alumnos leron unhas estrofas da composición titulada  “Ao pobo cruñés” lida por Curros no Teatro Rosalía de Castro (daquela Teatro Principal) na homenaxe recibida no ano 1904.

A mansión dos Pampín

Galardonados no concurso literario "Sé breve, por favor"

Concurso literario "Sé breve, por favor"

 

Roteiro literario dos nosos alumnos do Club de lectura á Illa de San Simón e Vigo

O día 25 de abril, desafiando a climatoloxía adversa, entre vento e chuvias fortes, os alumnos do Club de lectura do IES Monelos dirixíronse en barco cara á Illa de San Simón.
A travesía pola ría  foi tranquila á ida e arribamos a terra en media hora dende o porto de Vigo.
Alí nos agardaba a guía que, moi amable,  explicounos  moitísimas cousas interesantes sobre esta illa que hoxe forma parte da red Natura.

Soubemos así que a Illa de San Simón foi residencia de varias ordes relixiosas, entre elas os Templarios. Foi unha illa saqueada en moitas ocasións.
No ano 1702 tivo lugar alí a famosa Batalla de Rande, na que os galeóns españois loitaron cos barcos de Inglaterra e Holanda, quedando vencidos. Os seus tesouros desapareceron, non se sabe si no fondo das augas ou nas mans dos inimigos.
Convertiuse no século XIX nun lazareto marítimo. A guía explicounos que un lazareto é un lugar onde se recibe aos enfermos contaxiados de epidemias moi graves, a fin de evitar que estas se extendan  ao resto dos países. Este lazareto tamén servía para que os viaxeiros dos barcos pasasen a corentena antes de dirixirse a Europa.
No período inmediatamente anterior á Guerra civil española e despois dela foi cárcere para os presos políticos, os perseguidos pola súa ideoloxía. As condicións de vida alí para eles foron moi duras.
Finalmente, hoxe e un ben protexido que serviu e sirve de inspiración a moitos escritores, como o célebre Xulio Verne, ao que se lle adicou unha escultura moi preto da illa.

Os alumnos disfrutaron da travesía no mar, do entorno natural da illa, da visita ao Museo da Batalla de Rande e os paseos pola cidade olívica.
Foi unha xornada de chuvia e ceo gris pero en todos nós ficou a pegada dunha paisaxe inesquecíble fundida coa literatura e a historia.